2021 жылғы 12 мамырда Қарағанды медицина университетінің мейіргерлік білім беру мектебінде онлайн форматта халықаралық мейіргер күніне орайластырылған мейіргер ісіндегі практика мен зерттеудің өзекті мәселелерін талқылауға арналған "Қарағанды өңірінің мейіргер ісінің өзекті мәселелері" атты  дөңгелек үстелі  өткізілді.

Аталған іс-шараға Вильнюс университетінің денсаулық туралы ғылымдар институтының директоры Наталья Фаткулина (Литва), Қарағанды облысының практикалық денсаулық сақтау саласының өкілдері, медицина университетінің профессорлық-оқытушылық құрамы, магистранттар, мейіргер ғылымының докторанттары шақырылды.

"Дөңгелек үстел" қатысушыларына мейіргерлік білім беру мектебінің деканы Естемесова Карлыгаш Амангельдиевна құттықтау сөз сөйледі.

"Заманауи стандарттар және мейіргерлік білім беру мектебінде Мейіргер ісі мамандарын көпдеңгейлі даярлау" баяндамасын деканның академиялық жұмыстар жөніндегі орынбасары Айтмагамбетов Ауэз Рашидович  таныстырды.

 "Мейіргер ісі" білім беру бағдарламасын және элективті пәндерді жетілдіру" мәселесі бойынша білім беру бағдарламасының жетекшісі Қалбеков Жандарбек Абдухалиевич сөз сөйледі.

Вильнюс университеті денсаулық туралы ғылымдар институтының директоры Наталья Фаткулинаның "Литвадағы Үздік тәжірибелер және мейіргер ісін зерттеу" баяндамасы "дөңгелек үстел" қатысушылары арасында үлкен қызығушылық тудырды.

 Мейіргерлік білім беру мектебінің оқытушысы Гүлнара Лесовна Алишева мейіргерлік білім беру мектебінің тәлімгерлерінің жұмысы туралы ақпарат берді.

"Дөңгелек үстел" қатысушылары мейіргер ісіндегі практика мен зерттеудің өзекті мәселелерін және академиялық бакалавриат деңгейіндегі Мейіргер ісі мамандарын даярлаудың заманауи стандарттарын қарастырды.

Мейіргерлердің практикалық қызметінің дағдыларын кеңейту және "Мейіргер ісі" білім беру бағдарламаларының элективті пәндерін жетілдіру мәселелері бойынша "жанды" пікірталас өтті, Х.Ж. Макажанов атындағы ОТжОО директорының Мейіргер ісі жөніндегі орынбасары. Марина Исмаиловна Копбаева оңалту саласындағы мейіргерлердің практикалық дағдыларын элективті пәндерге енгізу туралы ұсыныс жасады. 

Мейіргер ғылымының докторанты Зорина Ольга диплом жұмысының өзекті тақырыптарын қалыптастыруға практикалық денсаулық сақтау мамандарының қатысуы туралы ұсыныс жасады.

Талқылау барысында болашақта мейіргерлердің практикалық қызметінің құзыреттілігін кеңейту бойынша жаңа ұсыныстарды ескере отырып, "Мейіргер ісі" білім беру бағдарламаларының әртүрлі деңгейлерінде жаңа элективті пәндерді біртіндеп енгізу туралы шешім қабылданды.

Мейіргерлік білім беру мектебі деканының орынбасары Онгарбаева Айман Игиликовна алдағы уақытта "Мейіргер ісі" білім беру бағдарламаларын одан әрі жетілдіру, практикалық денсаулық сақтау өкілдерімен өзара іс-қимыл жасау және шетелдік сарапшылармен ынтымақтастық үшін "дөңгелек үстелдерді" жиі өткізіп тұруды ұсынды.

  Мейіргерлік білім беру мектебінің деканы Естемесова Карлыгаш Амангельдиевна "дөңгелек үстел" қатысушыларына мейіргерлік істегі практика мен зерттеудің өзекті мәселелерін талқылау барысындағы белсенді жұмысы үшін алғысын білдірді.

Қатысушылар ұйымдастырушыларға алғыстарын білдіріп, одан әрі өзара іс-қимыл жасау және мейірбике ісі бойынша өзекті мәселелерді шешу үшін дөңгелек үстелдерді тұрақты өткізу қажеттілігі туралы ұсынысты қолдады.

"Қарағанды медицина университетінің" мейіргерлік білім беру мектебі