Симуляциялық және білім беру технологиялар орталығындағы жазғы мектеп
08 Шілде 2021
КеАҚ «ҚМУ» симуляциялық және білім беру технологиялар орталығында 2021
жылдың 28 маусымы мен 2 шілдесі аралығында оқытушылар Евлоева Р.М., Заровный К. В., Идрисова Г. К. бакалавр
және интернатура студенттеріне арналған «Дәрігерге дейінгі кідіріссіз көмек
бойынша симуляциялық тренинг» атты жазғы мектебін өткізді.
Студенттер күн сайын
өмірге қауіп төндіретін жағдайларда дәрігерге дейінгі және шұғыл медициналық
көмек көрсету дағдыларын пысықтады. Орталықтың симуляциялық жабдығын пайдалана
отырып ересектер мен балаларда базалық және кеңейтілген жүрек-өкпе реанимациясы
(BLS, ACLS, PALS), жарақат алу, суға бату, күйік кезінде кідіріссіз көмек
көрсету, тыныс алу обструкциясы дағдыларын жасады. Жоғары курс студенттерімен ЖМК
қызметінің қызметкерлері жұмыс барысында кездесуі мүмкін күрделі жағдайларды
көмек көрсету алгоритмін егжей-тегжейлі пысықтап, талдады.
Теориялық білім мен практикалық дағдыларды бекіту және тереңдету, оларды
практикалық қызметте одан әрі қолдану үшін клиникалық ойлауды дамыту бойынша
негізгі мақсаттарға қол жеткізілді. Студенттер мектеп жұмысына үлкен ынтамен
қатысып, жазғы мектептің өткізілуіне жоғары баға берді.
Әрбір қатысушыға дәрігерге дейінгі шұғыл көмек көрсету жазғы мектебінен
өткені туралы сертификат берілді.
пікірлер
