2022 жылғы 12-13 мамырда Нұр-Сұлтан қаласында ҚР ДСМ және «Парыз» қауымдастығы ұйымдастырған және медбикелер күніне арналған күндізгі форматта өткен «Қазақстанда мейіргер ісінің дамуы. Қазіргі. Болашақта» Халықаралық форум шеңберінде Салидат Қайырбекова атындағы Денсаулық сақтауды дамыту ұлттық орталығының, Қазақстан Республикасының медициналық жоғары оқу орындарының, жоғары медициналық колледждердің, медициналық ұйымдардың, қауымдастықтардың өкілдері 150-ден астам адам қатысты. 

«ҚМУ» КеАҚ атынан ҚР ДСМ ұлттық жаттықтырушысы, мейіргерлік білім беру мектебінің профессоры, м.ғ.д., Т.Т. Қиспаева  ҚР ДСМ Ұлттық жаттықтырушысы, «АМУ» КеАҚ доценті, PhD А.Т. Үмбетжановамен және  Алматы қ. ҚДСЖМ эпидемилогия, дәлелді медицина және биостатистика кафедрасының меңгерушісі, PhD Д.С. Смаиловамен  бірге форум қатысушылары үшін «Клиникалық мейіргерлік нұсқаулықтар мен операциялық процедураларды тәжірибелік денсаулық сақтауға енгізу» тақырыбында мастер-класс көрсетті. Тренинг соңында қатысушыларға сертификаттар табысталды.

Форумның екінші күні өңірлердегі және шетелдегі мейіргерлік Денсаулық сақтау жағдайын көрсететін шетелдік және отандық баяндамаларға, сондай-ақ тәжірибелік денсаулық сақтау ұйымдарында мейіргерлік қызметтің жаңа моделін енгізу бойынша ағымдағы жағдайды талқылауға арналды: Қазақстан Республикасының 2020 жылғы 7 шілдедегі № 360-VI ҚРЗ «Халық денсаулығы және денсаулық сақтау жүйесі туралы» кодексінің 127-бабы «Мейіргерлік қызмет»;  Қазақстан Республикасы Денсаулық сақтау министрінің 2020 жылғы 23 қарашадағы № ҚР ДСМ-199/2020 «Мейіргер күтімін көрсету қағидаларын бекіту туралы»  бұйрығы ұсынылған мейіргер диагнозы негізінде мейіргер күтімі қызметтерін енгізу және мейіргер құжаттамасын жүргізу бөлігінде; Қазақстан Республикасы Денсаулық сақтау министрінің 2020 жылғы 21 желтоқсандағы № ҚР ДСМ-305/2020 «Денсаулық сақтау саласындағы мамандықтар мен мамандандырулардың номенклатурасын, Денсаулық сақтау қызметкерлері лауазымдарының номенклатурасы мен біліктілік сипаттамаларын бекіту туралы»  бұйрығы «Медициналық кеңейтілген тәжірибедегі мейірие немесе медбике» лауазымын енгізу бөлігінде; Мейіргер ісі мамандарын даярлауды жүзеге асыратын ұйымдарды институционалдық дамыту, мейіргерлерді даярлау мен олардың қызметі саласында басқарудың жаңа жүйесін енгізу, мейіргер ісі мамандарының зерттеу қызметін дамыту сияқты негізгі бағыттарды қамтитын «Мейіргер ісіндегі білім, ғылым және тәжірибеніңң үштұғырлығы» жол картасы.

Форум соңында қарар қабылданды, оның шеңберінде Жол картасын іске асыру шеңберінде Қазақстан Республикасының тәжірибелік денсаулық сақтау ұйымдарында мейіргер қызметінің және мейіргер басшылығының жаңа моделін енгізуге мониторинг жүргізу ұсынылды.