Тәрбие жұмысы шеңберінде 2022 жылғы 30 қарашада Фармация мектебінде 16 желтоқсан - Қазақстан Республикасының Тәуелсіздік күніне арналған іс-шара өткізілді. Фармация мектебінің оқытушысы Е. А. Тулебаев ұйымдастырған іс-шараға 100-ге жуық "Фармация" және "фармацевтикалық өндіріс технологиясы" мамандықтарының 2-3 курс студенттері қатысты.

Қазақстан Республикасы үшін экономиканың фармацевтикалық секторын дамытудың стратегиялық, әлеуметтік және экономикалық маңызы зор, өйткені дәрілік заттар аурудың алдын алу мен емдеуде маңызды рөл атқарады. Дәрілік заттардың қауіпсіздігі және дәрілік тәуелсіздік мемлекеттің ұлттық қауіпсіздігінің құрамдас бөліктерінің бірі болып табылады.

Тәуелсіздік жылдарында Қазақстанда фармацевтика саласы қарқынды дами бастады. Бүгінгі таңда фармацевтикалық нарықта дәрілік заттар мен медициналық бұйымдарды шығаратын 80-ге жуық қазақстандық фармацевтикалық кәсіпорындар бар. Кездесуде студенттер халықты әлі күнге дейін дәрі-дәрмекпен қамтамасыз етіп келе жатқандардың кейбірінің қалыптасу тарихымен танысты: «Санто» компаниясы (бұрынғы «Химфарм» АҚ, Шымкент қ.), «Фитохимия ХҒӨХ» АҚ (Қарағанды қ.), «Фитолеум» ЖШС (Қызыл Май, Алматы қ.) және т.б.

Іс-шара барысында Фармация мектебінің студенттері отандық фармацияның қалай пайда болғаны мен дамығаны туралы, алғашқы дәріхана ұйымдары жайлы, Қ.М. Өмекенов сияқты алғашқы дипломы бар фармацевтер туралы, Республикадағы тұңғыш фармацевтика ғылымдарының докторы, профессор Қ.Ү. Үшбаев, отандық фармацевтикалық ғылым мен білімнің дамуына баға жетпес үлес қосқан қазақстандық ғалымдар туралы – фарм.ғ.д., профессор Р.Д. Ділбарханов, м.ғ.д., профессор Д.М. Джангозина, фарм.ғ.д., профессор Р.М. Абдуллабекова, х.ғ.д., профессор С.М. Әдекенов, фарм.ғ.д., профессор Т.А. Арыстанова және т.б. ғалымдар туралы білді. Студенттер олардың ғылыми, оқу-әдістемелік жұмыстарымен, ғалымдарымыздың ғылыми жаңалықтарымен және әзірлемелерімен – «Антигриппин» және «Антигриппин П» (Р.М. Абдуллабекова et al.), ісікке қарсы зат «Арглабин» (С.М. Әдекенов) және т.б. танысты.

Кездесу аясында шағын викторина да өткізілді, оған барлық студенттер белсенді қатысты. Өз жауаптарымен олар өз мамандығына және Тәуелсіз Қазақстанымыздың фармация саласындағы жетістіктеріне деген үлкен қызығушылықтарын көрсетті.

Фармация мектебінің студенттеріне, деканат қызметкерлеріне, профессорлық-оқытушылық құрамына ұйымдастырып, атсалысқаны үшін, сонымен қатар Дәлелді медицина және клиникалық фармакология кафедрасының оқытушыларына осы іс-шараға қажетті материалдар жинауға көмектескендері үшін жеке алғысымызды білдіреміз.