«ҚМУ» КеАҚ түлектерінің Әнұраны
Сөзінің авторы: А.Хорошаш (ҚММИ 1998 ж. түлегі)
Сазының авторы: С.Огай (ҚММИ 1996 ж. түлегі)
1 шумақ
Сарыарқаның даласында,
Есіл-Нұра жағасында
Бой көтерді сол жылдары,
Дәрігерлер ордасы да.
Одақтың бар аймағынан,
Медицина қаймағы бар.
Аз уақытта айналдың сен,
Жас мамандар айлағына.
Қайырмасы:
Қарағанды медициналық университеті,
Білім мен ғылым, мөлдір махаббат бекеті.
Студенттердің сүйікті білім ордасы,
Даңқың сенің алыстарға жетеді.
2 шумақ
Мұнда ғылым мықтылары,
Білім нәрін ұқтырады.
Сені әркез мақтан етіп,
Түлектерің тік тұрады.
Арта берсін абыройың,
Бола берсін тағы тойың.
Мақтанамыз өзіңмен біз,
Жеңіс жолы – сенің жолың!
Қайырмасы:
Қарағанды медициналық университеті,
Білім мен ғылым, мөлдір махаббат бекеті.
Студенттердің сүйікті білім ордасы,
Даңқың сенің алыстарға жетеді.
