17 қарашада Қарағанды техникалық университетінің базасында онлайн форматта "Sanaly Urpaq"Республикалық студенттік клубтар слеті өтті. Қатысушылар еліміздің жоғары оқу орындарының қызметкерлері мен білім алушылары болды.

Слеттің бірінші бөлімінде Қарағанды медицина университетінің комплаенс-офицері Александр Урмашов университетте комплаенс-офистің қалыптасуы бойынша, Академиялық адалдық лигасы шеңберінде жүргізіліп жатқан жұмыс туралы, Сыбайлас жемқорлыққа қарсы заңнаманы және академиялық адалдықты қалыптастыруға бағытталған шаралар жүйесін жетілдіру туралы тәжірибесін ұсынды. Сондай-ақ, спикер жоғары оқу орындарының қызметіне қоғамдық бақылаудың және студенттердің шешімдер қабылдау мәселелеріне белсенді қатысуының маңыздылығын атап өтті.

Слеттің соңында "Sanaly Urpaq" республикалық жобалық кеңсесінің басшысы Токушев Қайыржан сөз сөйледі, ол студенттік өзін-өзі басқаруды одан әрі нығайту, жастарды құқықтық тәрбиелеу бойынша жұмыс жүргізу, ЖОО-ның ақпараттық ресурстарын сапалы және дұрыс ақпаратпен толтыру қажеттігіне назар аударды.

Іс-шара қорытындысы бойынша Қайыржан Ахметбекұлымен бірлесіп білім беру жүйесінде сыбайлас жемқорлыққа қарсы комплаенсті ілгерілету бойынша бірлескен жұмыс туралы келісімге қол жеткізілді.