«Биология» мамандығының 2-курс  студенттері  оқу практикасын 9-27 мамыр аралығында Тәжікстанда Душанбе қаласында академиялық алмасу бағдарламасы шеңберінде, Тәжік Ұлттық университеті базасында өтті. Молекулярлық биология және медициналық генетика кафедрасының аға оқытушысы Г.Т. Калиева студенттерді алып жүру мақсатында тәлімгер ретінде барды.

  Практика биотехнология Орталығында өтті, студенттер зертхананың жұмысымен және зертхананың зерттеу әдістерімен танысты, қоректік ортаны, реактивтерді дайындауда, ламинар-бокста жұмыс жасауда практикалық дағдыларын қалыптастырды. Студенттер апикальді меристема әдісімен өсімдіктерді таныту саласындағы биотехнология Орталығының ғылыми бағытымен танысты.

Біздің студенттерді ерекше қонақжайлықпен, мейірімділікпен қарсы алғандарын атап өткен жөн. «Биология» мамандығының 2-курс студенттері, Қазақстан Республикасының аумағынан тыс жерде оқу тәжірибесін өтуге, яғни басқа да ЖОО ғылыми зерттеу жұмыстарымен танысуға мүмкіндік жасаған  ҚММУ әкімшілігіне алғыстарын білдіреді. 

Молекулярлық биология және медициналық генетика кафедрасының аға оқытушысы Г.Т. Калиева және  биология мамандығының 2-курс студенттері.