Үздік старосталар марапатталды
Жақсы дәстүрге сүйене отырып, Жаңа 2021
жыл қарсаңында MS Teams платформасында «Жалпы медицина» білім беру бағдарламасы
курстарының ең белсенді старосталары марапатталды.
Өткен жыл осындай қуанышты іс-шарамен аяқталды, оған 70 студент қатысты.
Бұл кездесу Медицина мектебінің бастамасымен өскелең ұрпақтың құқықтық мәдениетін қалыптастыру мақсатында өткізілді.
Медицина мектебінің деканы Газалиева Меруерт Арстановна құттықтау сөз сөйлеп, студенттердің оқуға деген жауапкершілігінің ғана емес, сонымен қатар университет өмірінің ғылыми және қоғамдық салаларына белсенді қатысудың маңыздылығын атап өтті.
Старосталар іс-шараларды ұйымдастыруға, студенттер қауымдастығында салауатты атмосфераны сақтауға, сондай-ақ оқу үдерісін сәтті жүзеге асыруға көмектескені үшін марапатталды.