2023 жылғы 2-3 қарашада «Қарағанды медицина университеті» КеАҚ Қоғамдық денсаулық сақтау және кәсіптік денсаулық институтында «Профпатологтар дәрігерлерінің қауымдастығы» РҚБ-мен бірлесіп Қоғамдық денсаулық сақтау және кәсіптік денсаулық институтының 65 жылдығына арналған «Еңбек медицинасы мен медициналық экологияны дамыту перспективалары» халықаралық қатысуымен ғылыми-практикалық конференция өткізді. Конференция әлемнің түрлі елдерінің (Қазақстан, Ресей, Өзбекстан және т.б.) ғалымдары үшін серпінді платформа болды.

Конференцияның негізгі бағыттары: жұмыс істейтін халықтың денсаулығын сақтау мәселелері. Жұмысқа байланысты кәсіптік аурулар мен аурулардың алдын алудың, диагностикалаудың және емдеудің инновациялық әдістері; хризотил-асбестті бақыланатын пайдалану мәселелері және асбестке байланысты ауруларды зерттеу мәселелері, еңбекті қорғау, профилактикалық медицина, өндірістік және қоршаған орта факторларының гигиеналық реттеу мәселелері.

Қазақстан Республикасында және әлемде еңбек медицинасының неғұрлым өзекті және маңызды мәселелері талқыланды, жұмыс істейтін халықтың денсаулығын сақтау проблемаларының себептері мен шешімдеріне іздеу қаралды.

Конференция жұмысына мемлекеттік құрылымдардың өкілдері, еліміздің медициналық жоғары оқу орындарының, ғылыми және медициналық ұйымдардың қызметкерлері, кәсіподақтардың, ірі компаниялардың, бизнестің өкілдері, Ресейден, Өзбекстаннан келген әріптестер қатысты, бұл жұмыс істейтін халықтың денсаулығын қорғау мәселелерін шешу үшін сектораралық және ведомствоаралық өзара іс-қимылдың маңыздылығын көрсетті.

Баяндамада ҒЗИ қызметкерлерінің көп жылдық жұмысы атап өтілді, онда жұмысшылардың еңбек жағдайлары мен сипатын жақсартуға, өндірістік тәуекелдерді есептей отырып, әсер етудің қауіпсіз деңгейлерін анықтауға, өндірістік және экологиялық факторлардың адам ағзасына әсері, өнеркәсіптік агенттердің аралас әсері, кәсіптік және өндірістік шартты ауруларды диагностикалау және емдеу бойынша іргелі және қолданбалы зерттеулер жүргізілген. Институт нормативтік-құқықтық актілерге, нормативтік гигиеналық құжаттамаға толықтырулар әзірлеп, енгізді, Республикалық және жергілікті деңгейдегі әдістемелік ұсынымдар шығарды; салынып жатқан объектілердің жобалық құжаттамасына, технологиялық желілер мен өндіріс процестеріне, әдістемелік және нормативтік құжаттарға бағалау жүргізілді.

м.ғ.д., профессор Е.В. Ковалевскийдің (Мәскеу қ.) «Хризотил асбестінің кәсіби әсеріне байланысты қатерлі ісіктерден болатын өлім қаупі» тақырыбындағы баяндамасы ерекше қызығушылық тудырды, онда хризотил өндірісінде жұмыс істейтіндердің кәсіби тәуекелдерін, денсаулық деңгейін бағалау мәселелері, құрамында хризотил бар шаңның әсерін бағалау бойынша эксперименттік - зерттеу жұмыстары ағзаға қалай әсер ететінің айттып өтті. Бұл зерттеу конференцияға қатысушылардың назарын осы мәселені зерттеудің маңыздылығына көніл аударды.

Конференцияның ерекшелігі әр секция аясында өткен қызу талқылаулар болды. Жұмысшылардың денсаулығын зерттеудің, әртүрлі бағыттарының сарапшылары, динамикалық пікір алмасуға ықпал ететін өздерінің ерекше көзқарастарын әкелді.

Қоғамдық денсаулық сақтау және кәсіптік денсаулық институтының бас профпатологы, ҚР ДСМ бас штаттан тыс профпатологы, м.ғ.д., профессор А.Ү.Аманбекова «Қазақстан Республикасындағы Еңбек медицинасы қызметінің жай-күйі» - тақырыбында баяндама жасады. Баяндамашы қоғам денсаулығының маңызды индикаторы оның қызметкерлерінің денсаулық жағдайы екенін атап өтті. 2022 жыл ішінде елде кәсіптік сырқаттанушылықтың 2021 жылмен салыстырғанда 70% - ға және негізінен тау-кен және көмір өнеркәсібінде өсуі байқалады, бұл осы кәсіпорындарда еңбек жағдайларын егжей-тегжейлі зерделеу және алдын алу іс-шараларын жүргізу қажеттілігін туғызады.

Конференцияда Еңбек медицинасы саласындағы гигиеналық, эксперименттік, эпидемиологиялық, клиникалық зерттеулер саласындағы заманауи ғылыми бағыттар талқыланды.

Хризотил өндірісінде жұмыс істейтіндердің кәсіби тәуекелдерін, денсаулық деңгейін бағалау, құрамында хризотил бар шаңның ағзаға әсерін бағалау бойынша эксперименттік – зерттеу жұмыстары мәселелері қозғалды.

Конференция барысында Қазақстанның денсаулық сақтау саласын реформалаудың құрамдас бөлігі ретінде цифрлық технологияға көшу жағдайындағы еңбек гигиенасы мен кәсіптік патологияның өзекті мәселелері жарияланды.

Семинарда еліміздің кәсіптік патологиялық қызметінің жай-күйі мәселелері талқыланды, зиянды еңбек жағдайларында жұмыс істейтін қызметкерлердің денсаулығын сақтаудың негізгі бағыттары айқындалды, тау-кен, металлургия өнеркәсібінде денсаулықты қорғау жөніндегі бағдарламалар ұсынылды және елде кәсіптік патологиялық көмек көрсету стандартын жетілдіру бойынша кеңінен талқылау жүргізілді.

Конференцияға қатысушылар конференцияның бағдарламалық сұрақтарында қойылған міндеттерді іске асыру бойынша негізгі бағыттарды түсінудегі ғылыми-практикалық ұстанымды келісті, халықтың денсаулығын сақтау Қазақстан Республикасының аса маңызды басымдығы болып қалатынын атап өтті.

Осындай халықаралық іс-шараларды өткізу жұмыс істейтін халыққа медициналық қызмет көрсету сапасын қамтамасыз етуді одан әрі жақсартуға, еңбек гигиенасы мен медицинасын дамытуға бағыт береді және ынталандырады.