Қарағанды медицина университеті
«Медицина және экология» журналы
«Медицина» ай сайынғы газеті
Басты бет
Жаңалықтар
Тәуелсіздік қасиетті ұғым

Тәуелсіздік қасиетті ұғым

10 Желтоқсан 2020

16 желтоқсан Тәуелсіздік күні ретінде, Қазақстан да мемлекеттік деңгейде аталып өтеді. Қоғам өміріндегі осы айтулы мерекеге орай  9 желтоқсан күні Қарағанды Медицина Университеті, Жалпы медицина мамандығының 1 курс студенттерімен онлайн-концертті тамашаладық. Концерт жоғары деңгейде өтті. 

Студенттер аудиториясы өте жылы қабылдады. Қарағанды қаласындағы Қали Байжанов атындағы концерттік бірлестіктің басшылығына, ұжымына айтар алғысымыз шексіз. Қәзіргі әлемдегі қиыншылықтарға қарамастан өнер ұжымы мен Қарағанды Медицина Университетінің арасында тығыз байланыс бүгінде дәстүрге айналған.

 Бүгінгі күн талабы Рухани жаңғыру бағдарламасының басты мақсаты жас ұрпақты рухани тәрбиелеу, ұлттық құндылықтарды бойына терең сіңірген,мәдениетті,білімді мамандарды тәрбиелеу. Өнер әрқашан шабытқа жетелейді. Үлкен биіктерге самғауға жол ашады. Салауатты өмір салтын ұстануды қалыптастырады. Осы орайда бүгін ұйымдастырылған онлайн-концерттік бағдарламасы студенттер аудиториясын бір серпілтіп тастады. ,,Жақсы демалыс болды. Көңіл күйіміз бір көтеріліп қалды.Рақмет,Камшат Жақсылыққызы,, деп риза болды студенттер. Екі ұжымның арасында осындай байланыстар алда да бола береді деп сенеміз. Себебі ортақ мақсат, ортақ мүдде бар. Ол - жас ұрпақты, қоғамды тәрбиелеу. Тәуелсіздік мерекесі құтты болсын. Жастарымыз мәдениетті, инабатты болсын.


0
1763

пікірлер

пікір қалдыру үшін.