Жаңалықтар

Қазақстанда мейіргер ісінің дамуы: Жаңа мүмкіндіктер мен перспективалар

19 Қаңтар 2021

Қазақстандағы жоғары білім беру жүйесінде магистратура және PhD докторантура деңгейінде мейіргер ісі ғылымның дамуындағы маңызды қадам болып табылады. 2021 жылғы 11-13 қаңтарда жаңа AccelEd «Accelerating Master and PhD level Nursing Education Development in the Higher Education System in Kazakhstan» жобасын іске қосу мақсатында кездесу өткізілді.

Жоба Еуропалық Одақтың жоғары білімді дамытуға бағытталған Эразмус+ бағдарламасы аясында жүзеге асырылуда. Жобаның серіктестері - Денсаулық сақтау министрлігі, Білім және ғылым министрлігі, 4 еуропалық (Литва медициналық ғылымдарының университеті, Литва, JAMK қолданбалы ғылымдар университеті, Финляндия, Або Академи университеті, Финляндия, Утрехт университетінің медициналық орталығы, Нидерланды) және 5 қазақстандық университет (Астана медицина университеті, Қазақ ұлттық медициналық университеті, Қарағанды медициналық университеті, Назарбаев университеті, Оңтүстік Қазақстан медициналық академиясы).

Кездесуде қазақстандық және еуропалық серіктестер мейіргер ісіндегі заманауи талаптарға, мейіргер ісіндегі инновацияларға, осы мамандық бойынша білім алып жатқан студенттерге және жұмыс жасап жатқан мейіргерлерге арналған жаңа перспективалар мен мүмкіндіктерге байланысты жобаның мақсаттарын талқылады.

Кездесуге Эразмус+ бағдарламасының Ұлттық кеңсесінің, Дүниежүзілік денсаулық сақтау ұйымының, Қазақстан Республикасы Білім және ғылым министрлігінің, Қазақстан Республикасы Денсаулық сақтау министрлігінің, Республикалық денсаулық сақтауды дамыту орталығының, «Парыз» мейіргерлер қауымдастығының, Қазақстан, Литва, Финляндия және Нидерланды медициналық университеттерінің өкілдері қатысты.

Қарағанды медициналық университетінде жобаны уақытша зерттеу тобының мүшелері жүзеге асыруда: Омаркулов Б.К., Қуаныш Ж.М., Садуева Ф.Х. Меерманова И.Б., Айтмағамбетов А.Р., Цай Н.В.,

AccelEd жобасы Еуропалық Одақтың жоғары білімді дамытуға бағытталған Эразмус+ бағдарламасы аясында жүзеге асырылуда. Бұл жоғары оқу орнынан кейінгі білім деңгейінде «Мейіргер ісі» мамандығы бойынша оқытуды ілгерілетуге мүмкіндік береді, мейіргерлерге клиникалық тәжірибеде ғана емес, сонымен қатар оқу-зерттеу жұмыстарында өзін-өзі тануға кең мүмкіндіктер береді. Жоба шеңберіндегі семинарлар, мастер-класстар мен тағылымдамалардың арқасында магистранттар мен докторанттар, оқытушылар өздерінің қызметтері туралы білімдерін және ғылыми түсініктерін кеңейте алады.

1689

пікірлер

пікір қалдыру үшін.