10 ақпанда «Қарағанды медицина университеті» КеАҚ ішкі аурулар кафедрасында ішкі аурулар кафедрасының профессоры, м.ғ.д. Людмила Геннадьевна Тургунованың және қауымдастырылған профессор, м.ғ.к. Дана Талгатовна Амирханованың жетекшілігімен «Остеодеструктивті синдром пәнаралық мәселе ретінде» тақырыбында пәнаралық сабақ өткізілді. Аталған іс-шараға «Гематология ересектер», «Эндокринология, ересектер және балалар», «Ревматология, ересектер және балалар», «Гастроэнтерология ересектер және балалар», «Нефрология, ересектер және балалар» мамандықтарының резиденттері қатысты.

Пәнаралық сабақ нақты клиникалық жағдайларды талқылауға негізделген және әр түрлі сала мамандарының қатысуын талап ететін пәнаралық консультация форматында өтті. Осы іс-шара барысында әр түрлі мамандықтағы резиденттерден 2 команда құрылды, бұл әр командаға диагностикаға, емдеу тактикасына және болжамына бірыңғай пәнаралық тәсілдеме жасауға мүмкіндік берді.

Сабақ аяқталғаннан кейін оқытушылармен бірлесіп, клиникалық жағдайды талдау кезінде жіберілген қателіктер бойынша жұмыс жүргізілді. Қатысушылар өз ұсыныстары мен тілектерін кері байланыс парағына толтырды.

Болашақта кафедрада аралас мамандықтар арасында осы форматта іс-шаралар өткізу жоспарлануда, өйткені оқытудың мұндай әдістері шығармашылықты, креативті, сыни ойлауды, зерттеу жұмыстарына қабілеттілікті дамытады, сондай-ақ пәнаралық топ шеңберінде коммуникативтік дағдыларды дамытуға мүмкіндік береді.

«Гематология ересектер» мамандығының резиденттері: Лысенко А., Селиванов М., Райхан Т. «Эндокринология, ересектер және балалар» мамандығының резиденттері: ОразбаеваЭ.А., Какенова А.К., Зарубаев Р.М., Билял А.А., Есенбек М.М., Негманова А.М.