2023 жылғы 6-7 қазанда Астана қаласында Аккредиттеу және рейтингтің тәуелсіз агенттігі ұйымдастырған «Білім берудің тұрақты болашағы-сапа және бәсекеге қабілеттілік: шындықтар мен басымдықтар»атты білім беру сапасын қамтамасыз ету жөніндегі VII Орталық Азия Халықаралық форумы өтті.

 Халықаралық форум жұмысына 300-ден астам адам қатысты, олардың ішінде мемлекеттік органдардың, жоғары білім сапасын қамтамасыз етудің халықаралық желілерінің өкілдері, Қазақстан, Ресей, Түркия, Әзірбайжан, Қырғызстан, Өзбекстан жоғары оқу орындарының басшылары.

Жыл сайынғы Халықаралық форумды өткізудің негізгі мақсаты - цифрлық трансформация және жаһандық өзгерістер жағдайында білім беру саласындағы үздік тәжірибені талқылау және алмасу үшін халықаралық диалог алаңын құру.

Білім беруді трансформациялаудың заманауи трендтері мен міндеттері туралы жоғары білім сапасын қамтамасыз ету жөніндегі Еуропалық Тізілімнің (EQAR) президенті Стефан Ловик баяндама жасады. Қарағанды медицина университетінің ректоры, профессор А. А. Тұрмұхамбетова «Медициналық білім беруді трансформациялау: Қарағанды медицина университетінің тәжірибесі» атты баяндама жасады.

Спикерлердің баяндамаларымен АРТА ресми парақшасында танысуға болады: https://iaar.agency/forum-page/vii-centralno-aziatskij-mezhdunarodnyj-forum-po-obespecheniyu-kachestva-obrazovaniya

 Бауыржан Омаркулов, ҚМУ ҚДжКДИ директоры