2021-2024 жылдары іске асырылып жатқан Erasmus+ FOR21 «Fostering the doctor of the 21st century: education for patient-centered communication» («ХХІ ғасырдағы дәрігердің дамуына жәрдемдесу: пациент-орталықтандырылған қарым-қатынас дағдыларына оқыту») жобасы аясында бейне студия сатып алынды.

Студияны коммуникативтік дағдыларды дамыту мектебіаталған жоба шеңберінде университетте құрылған білім беру және симуляциялық технологиялар орталығының бөлімшесі пайдаланатын болады.

- Интерактивті бейне студия қашықтықтан оқыту және шығармашылық қызметті ұйымдастырудың ең заманауи және тиімді шешімдерінің бірі. Оның көмегімен интерактивті бейне нұсқаулықтар мен бейне дәрістерді жазуға, интерактивті презентациямен өзара іс-қимылдың бірегей мүмкіндіктерін пайдалана отырып, бейне сабақтар мен конференциялар өткізуге болады, - деп түсіндіреді «ҚМУ» КеАҚ Cимуляциялық және білім беру технологиялары орталығының жетекшісі Гүлшат Кемелова. - Бұл студенттердің оқытушылармен цифрлық технологиялар арқылы өзара іс-қимылының өте құнды құралы, ол Қазақстан Республикасы Ғылым және жоғары білім министрлігінің оқу процестерін цифрландыру жөніндегі барлық талаптарына сәйкес келеді.

Интерактивті бейне студия жағдайындағы сабақтар – бұл техникалық құралдарды қолдана отырып, көрнекі оқытудың заманауи тәсілі. Мұғалім интерактивті тақтаның артқы жағына белгілер қояды, ал студенттер жарқыраған жазулары бар айна суретін көреді. Жазу Full Hd сапасын қолдайтын камераға жіберіледі, дыбыс арнайы бағыттаушы микрофон арқылы беріледі. Сондай-ақ сенсорлық аппараттық және бағдарламалық жасақтаманың арқасында бейне және аудио монтажды қолдана отырып, әртүрлі графикалық және анимациялық эффектілерді жасауға болады. Бұл формат интерактивтілік пен пәндерді 3D модельдеу арқылы қашықтықтан сабақ өткізуге мүмкіндік береді, бұл студенттердің бейнематериалдарға деген қызығушылығын арттырады.

Интерактивті бейне-студия сапалы білім беру бейне материалын жасауға, профессорлық-оқытушылар құрамы тарапынан аз күш жұмсай отырып, вебинарлар мен трансляциялар өткізуге мүмкіндік береді. 

Интерактивті студияның ерекшелігі–пайдаланудың қарапайымдылығы және жоғары технологиялылығы, сондықтан оператордың міндетті түрде қатысуын қажет етпейді және оны университет оқытушылары өзін-өзі жазу студиясы ретінде қолдана алады.

Сандық жабдықпен жұмыс істеуді үйрену оңай, ал жазылған бейне өңдеуді қажет етпейді. Бейнематериалды жазу 5 минутқа, ең көбі 20 минутқа есептелген, бұл ұзақ уақытқа созылатын стандартты бейне дәрістерден айырмашылығы жақсы қабылдау әсерін береді. Презентацияда бейне жазу кезінде мұғалім интернет көздерін, интерактивті элементтерді-анимациялық 2D және 3D нысандарын (карталар, математикалық формулалар және т.б.) қолдана алады, сонымен қатар мазмұнды мөлдір сенсорлық тақтаға орналастыра алады.

Медицина университетінде білім алушылар үшін бейнематериал жасауға кірісті.