ҚММУ-дың акт залында 19-қыркүйекте шет тілдер кафедрасының дайындауымен Қазақстан халықтарының Тілдер мерейіне арналған мерекелік іс-шара өткізілді.

Аталмыш іс - шараның негізгі мақсаты мерекесіне күніне – студенттерде Отанына, мемлекеттік тіл мен Қазақстан территориясын мекендеген халықтардың тілдеріне деген сүйіспеншілікті, махаббат пен құрметті тәрбиелеу; Отан алдындағы отансүйгіштік пен жауапкершілікті қалыптастыру. Іс-шара жүргізушілері «Жалпы медицина» факультетінің студенттері А.Зеленый, С. Кожанова  және  К. Хвалина көрермендерді мерекенің тарихы, оның ролі мен маңыздылығымен таныстырып өтті. Концерттік бағдарламада 1, 2, 3- курс студенттері белсенділік танытты. Мысалға, Шерхан Ақмарал (2-029 ЖМ), Молдабаева Жадыра (1-003 МПІ), Назымбекова Наргиза (2-001МПІ) және Қарсыбек Нұржан (1-032 ЖМ) қазақ тілінде патриоттық әндер шырқады.

Хамонов Абубакир (2-002 МІ) және Фрайддуншоева Ходжабегим (3-002МІ) тамаша тәжік биін, Мароккодағы ұлттық билер сайысының лауреаты  Молдахметова Жұлдыз қазақ ұлттық биін тарту етті. Француз тілінде (Хусаинова Анастасия және Бекмұрзаева Диана, 2-082 ЖМ тобының студенттері) және үнді тілінде (шет тілдер кафедрасының аға оқытушысы С.К. Медиева) әндер орындалды, ал Садыков Рахат (1-081 ЖМ) иврит және ағылшын тілінде тамаша ән шырқады. Сонымен қатар, көрермендер концерттік бағдарлама шегінде корей (Ан Татьяна 1-008 Стом) және неміс тілдерінің  (Етекбаева Айнұр 2-080 ЖМ) поэзиясын тамашалады. 

Мерекелік іс-шара концерттік бағдарламамен қоса, көрермендерге арналған ағылшын, орыс, қазақ тілдеріндегі түрлі сайыстар мен тапсырмаларды да қамтыды. Сөйтіп, студенттер өздерінің тілдік құзыреттілігін, эрудициясын тексеруге мүмкіндік алды.